جۇزۋدەن 2020 جىلعى ازيا چەمپيوناتى ءبىر جىلعا كەيىنگە شەگەرىلدى. بۇل تۋرالى Olympic.kz حابارلادى.
قۇرلىقتىق بىرىنشىلىك 7-17 قاراشا كۇندەرى نيۋ-كلارك-سيتيدەگى (فيليپپين) سۋ سپورتى تۇرلەرى ورتالىعىندا وتەدى دەپ جوسپارلانعان. كوروناۆيرۋس ىندەتىنىڭ تارالۋىنا بايلانىستى ۇيىمداستىرۋشىلار جارىستى كەلەسى جىلعا قالدىرۋدى دۇرىس تاپقان. ازيا ءجۇزۋ سپورتى فەدەراتسياسىنىڭ رۇقساتىمەن وسىنداي شەشىم قابىلدانعان.
ازيا چەمپيوناتى رەسمي تۇردە 2020 جىلدان 2021 جىلعا اۋىستىرىلدى. الايدا قاي كۇندەرى وتەتىنى ازىرگە ناقتىلانبادى.